O’zbekiston Respublikasi Bank-moliya akademiyasi magistraturasiga 2014-2015 o’quv yiliga kirish uchun qabul kvotalari tasdiqlandi

O’zbekiston Respublikasi Vazirlar Mahkamasining “2014/2015 o’quv yilida O’zbekiston Respublikasi Bank-moliya akademiyasi magistraturasiga qabul to’g’risida”gi 2014 yil 23 iyundagi 167-sonli qaroriga binoan bank tizimidan tinglovchilarni qabul qilish borasida mutaxassisliklar kesimida quyidagi qabul kvotalari belgilandi:

O’zbekiston Respublikasi Vazirlar Mahkamasining 2013 yil 16 sentyabr’dagi 255-sonli qarori bilan tasdiqlangan “O’zbekiston Respublikasi Bank-moliya akademiyasi magistraturasiga qabul qilish tartibi to’g’risida”gi Nizomiga muvofiq Akademiyaga o’qishga kkirish uchush bank tizimidan quyidagi shaxslar tavsiya etilishi mumkin:

- O’zbekiston Renspublikasi Markaziy banki va respublika tijorat banklarining departament direktorlari va ularning o’rinbosarlari, boshqarma boshliqlari, bo’lim boshliqlari;

- viloyat banklari boshqarma boshliqlari va ularning o’rinbosarlari, bo’lim boshliqlari;

- tuman, shahar bank bo’limlari boshqaruvchilari va ularning o’rinbosarlari, bo’lim boshliqlari;

- respublika banklarining bosh mutaxassislari (bosh iqtisodchilari).

Bank-moliya akademiyasiga kirish uchun xujjatlar joriy yilning 1 avgustdan-30 avgustgacha qabul qilinadi, kirish testlari esa Davlat test markazi tomonidan 10 sentyabr’ kuni o’tkaziladi.

Bank tizimidan tavsiya etiladigan nomzodlarga quyiladigan talablar:

- iqtisod sohasidagi oliy ta’lim;

- oliy o’quv yurtini bitirgandan so’ng kamida 2-yillik bank staji;

- qabul komissiyasiga xujjat topshirish vaqtiga nomzodning egallab turgan lavozimi bosh mutaxassis (bosh iqtisodchi)dan past bo’lmasligi lozim;

- nomzodlarning yoshi 35 dan oshmagan bo’lishi kerak.

Talab etiladigan xujjatlar:

- nomzod ishlayotgan bank raxbari tomonidan imzolangan tavsiyanoma-yo’llanma, va tavsifnoma;

-Akademiya Rektori nomiga mutaxassisligi ko’rsatilgan holda belgilangan shakldagi ariza;

- oliy ma’lumot to’g’risidagi diplomning asl nushasi (yoki diplomdan ko’chirma- O’zbekiston Respublikasi oliy ta’lim muassasalarini davlat granti bo’yicha o’qib tugatkanlar uchun) hamda unga ilovaning asli;

- 3,5 x 4,5 o’lchamdagi 6 ta rangli fotosurat.

- № 086-U shakldagi tibbiy ma’lumotnoma;

- xodimlarni hisobga olish bo’yicha shaxsiy varaqa va ma’lumotnoma;

- mehnat daftarchasidan ko’chirma (nusxa);

- pasport nusxasi.