Размер шрифта: A A A
Цвет сайта: A A A A



BANK XODIMLARINI TAYYORLASH VA MALAKASINI OSHIRISH BO'YICHA SAVOLLAR 26

  • O’zbekiston banklari Assotsiatsiyasi bank kadrlarini tayyorlash, qayta tayyorlash va malakasini oshirish sohasida qaysi xorijiy moliya institutlari hamda va ta’lim muassasalari va markazlari bilan hamkorlik o’rnatdi?


    O’zbekiston banklari Assotsiatsiyasi tomonidan bank rahbar xodimlari va mutaxassislari uchun malaka oshirish va qisqa muddatli o’quv kurslarini tashkil qilish maqsadida quyidagi xalqaro moliya institutlari bilan xamkorlik yo’lga qo’ygan: Singapur menejmentni rivojlantirish instituti (Singapur Respublikasi), Markaziy va Sharqiy Evropa banklari assotsiatsiyasi, Janubiy Koreya banklari Federatsiyasi, Jamg’arma kassalari Fondi bo’yicha Germaniya xalqaro hamkorlik tashkiloti, Rossiya mintaqaviy banklari Assotsiatsiyasi, Rossiya banklari assotsiatsiyasi, Jahon banki, Evropa tiklanish va taraqqiyot banki, Xalqaro moliya korporatsiyasi (IFC), Osiyo taraqqiyot banki, Halqaro hamkorlik bo’yicha Yaponiya agentligi (JICA), Xalqaro hamkorlik bo’yicha Germaniya hamjamiyati (GIZ), TACIS va USAID loyihalari.
  • O’zbekiston banklari Assotsiatsiyasi tarkibida bank xodimlarini tayyorlash va qayta tayyorlash sohasidagi masalalarni hal etish uchun qanday bo’linmalar mavjud?


    Tijorat banklariga bank xodimlarni tayyorlash va qayta tayyorlash masalalarida ko’mak ko’rsatish uchun O’zbekiston banklari Assotsiatsiyasi tarkibida bank mutaxassislarini tayyorlash va qayta tayyorlash Departamenti faoliyat yuritmoqda. Bundan tashqari Banklar Assotsiatsiyasi huzurida bank xodimlarini tayyorlash va qayta tayyorlash Qo’mitasi tuzilgan. Mazkur Qo’mita bank-moliya sohasi mutaxassislarini tayyorlash va malakasini oshirish sohasida mavjud bo’lgan dolzarb masalalarni hal etish hamda mamlakatimiz bank tizimining talablari va istiqbollaridan kelib chiqqan holda bank xodimlarini tayyorlash va qayta tayyorlash tizimini yanada takomillashtirish maqsadida tuzilgan.
  • O’zbekiston banklari Assotsiatsiyasi tomonidan bank kadrlarini malakasini oshirish bo’yicha faoliyat olib boriladimi?


    Bank xodimlarining malakasi va kasbiy darajasini oshirish maqsadida Banklar Assotsiatsiyasi tomonidan O’zbekiston Respublikasi Markaziy banki, oliy o’quv yurtlari va o’quv markazlari handa etakchi mahalliy va xorijiy moliya institutlari bilan hamkorlikda bank ishining dolzarb yo’nalishlari bo’yicha muntazam ravishda o’quv kurslari, seminarlar (shu jumladan hududlarda), tajriba almashinishlar, davra suhbatlari, shuningdek xalqaro ilmiy-amaliy konferentsiyalar tashkil etilmoqda.

    Bank xodimlarni o’qitish O’zbekiston Respublikasi Prezidentining va O’zbekiston Respublikasi Vazirlar Mahkamasining bank sohasiga oid karorlariga muvofiq O’zbekiston Respublikasi Markaziy banki va O’zbekiston banklari Assotsiatsiyasi tomonidan tasdiqlanadigan reja-jadvallarga asosan tizimli ravishda amalga oshiriladi.
  • Bank xodimlari uchun tashkil etilayotgan kurslar va seminarlar to’grisidagi ma’lumotlar bilan qaerda tanishish mumkin?


    Bank xodimlari uchun tashkil etilayotgan kurslar va seminarlar to’grisidagi to’liq ma’lumotni O’zbekiston banklari Assotsiatsiyasining Web-sayti (www.uba.uz) orqali olishingiz mumkin.
  • Qaysi o’quv markazida tijorat banklarining kadrlar bilan ishlash xizmati mutaxassislari “Xodimlarni boshqarish” yo’nalishi bo’yicha o’z malakalarini oshirishlari mumkin?


    Tijorat banklarining kadrlar bilan ishlash xizmati mutaxassislari “Xodimlarni boshqarish” yo’nalishi bo’yicha O’zbekiston - Xalqaro moliyaviy-iqtisodiy rivojlanish markazida tahsil olishlari mumkin (tel. 252-26-22).
  • Qaysi o’quv dargohlari va markazlari bazasida bank xodimlari uchun o’quv kurslari mavjud?


    Hozirgi kunda bank ishining dolzarb yo’nalishlari bo’yicha quyidagi tashkilotlar bazasida tahsil olish mumkin:

    1. O’zbekiston bank-moliya akademiyasi (tel. 237-54-01).

    2. Toshkent davlat iqtisodiyot universiteti (tel. 232-64-86).

    3. Toshkent shahridagi Singapur menejmentni rivojlantirish instituti (tel. 271-77-01).

    4. O’zbekiston – Xalqaro moliyaviy-iqtisodiy rivojlanish markazi (tel. 252-26-22).

    5. Toshkent moliya instituti huzuridagi moliya-bank xodimlarining malakasini oshirish va ularni qayta tayyorlash tarmoqlararo instituti (tel. +99890 356-40-80).

  • Toshkent shahridagi Singapur menejmentni rivojlantirish instituti yaqin kelajakda qaysi xorijiy universitetlar bilan hamkorlik aloqalarni o’rnatishni rejalashtirmoqda?


    Toshkent shahridagi Singapur menejmentni rivojlantirish instituti Angliyaning Portsmut va Tissayd universitetlari bilan hamkorlik aloqalarni o’rnatishni rejalashtirmoqda.
  • Toshkent shahridagi Singapur menejmentni rivojlantirish institutining hamkor oliy o’quv yurtlari qaysilar?


    Bugungi kunda institutning hamkor oliy o’quv yurtlari quyidagilardir: Buyuk Britaniya unibersitetlari - Bangor (Bangor), Vels (Wales), Sanderlend (Sunderland), Bredfort (Bradfort) (Velikobritaniya) hamda Sauzen Kros (Southern Cross) Avstraliya universiteti.
  • Toshkent shahridagi Singapur menejmentni rivojlantirish instituti va istitutning hamkor oliy o’quv yurtlari o’rtasida talabalar almashish imkoniyati bormi?


    Hozirda Toshkent shahridagi Singapur menejmentni rivojlantirish instituti va istitutning hamkor oliy o’quv yurtlari o’rtasida talabalar almashish imkoniyati maqjud emas.
  • Toshkent shahridagi Singapur menejmentni rivojlantirish instituti diplomi xorij davlatlarida tan olinadimi?


    Bitiruvchilarga diplomlar Toshkent shahridagi Singapur menejmentni rivojlantirish institutining hamkor oliy o’quv yurtlari tomonidan beriladi. Toshkent shahridagi Singapur menejmentni rivojlantirish institutining xalqaro diplomi O’zbekiston Respublikasida hamda Institutning hamkor oliy o’quv yurtlari diplomlari muomalada bo’lgan barcha xorijiy davlatlarda tan olinadi.
  • Toshkent shahridagi Singapur menejmentni rivojlantirish institutiga kirish imtihonlarida yuqori ball to’plagan abiturientlarga grant taqdim etiladimi?


    Hozirgi vaqtda Toshkent shahridagi Singapur menejmentni rivojlantirish institutida kirish imtihonlarida yuqori ball olgan abiturientlarga grant taqdim etilmaydi.
  • Toshkent shahridagi Singapur menejmentni rivojlantirish institutida ingliz tili bo’yicha tayyorlov kurslari mavjudmi?


    Hozirda Toshkent shahridagi Singapur menejmentni rivojlantirish institutida ingliz tili bo’yicha tayyorlov kurslari mavjud emas. Bu borada institut ma’muriyati tomonidan xorijiy hamkorlar bilan birgalikda mazkur kurslarni institut bazasida tashkil etish bo’yicha tegisli ishlar olib borilmoqda.
  • Toshkent shahridagi Singapur menejmentni rivojlantirish institutiga kirish imtihoni qaysi tashkilot tomonidan o’tkaziladi?


    Toshkent shahridagi Singapur menejmentni rivojlantirish institutiga kirish imtihoni faqat Singapur Respublikasidagi Singapur menejmentni rivojlantirish instituti mutaxassislari tomonidan o’tkaziladi. Kirish imtihoni 4 ta komponentdan iborat: speaking, reading, writing va listening. Kirish imtihoni natijalari ham Singapur Respublikasidagi Singapur menejmentni rivojlantirish instituti tomonidan aniqlanadi.
  • Toshkent shahridagi Singapur menejmentni rivojlantirish institutiga kirish uchun qanday imtihonlar topshiriladi?


    Bugungi kunda Toshkent shahridagi Singapur menejmentni rivojlantirish institutiga kirish uchun faqat ingliz tilidan imtihon topshirishadi. Agar nomzod IELTS imtihonini topshirgan va amaldagi IELTS sertifikati bo’yicha kamida 5.5 ballga ega bo’lsa u kirish imtihonlarini topshirishdan ozod etiladi va institutga qabul qilinadi.
  • Toshkent shahridagi Singapur menejmentni rivojlantirish institutida qanday mutaxassisliklar bo’yicha tahsil olish mumkin?


    Hozirgi vaqtda Toshkent shahridagi Singapur menejmentni rivojlantirish institutida quyidagi yo’nalishlar bo’yicha xalqaro standartlar darajasida oliy ta’lim olish mumkin: Bakalavriat: “Bank ishi va moliya”, “Moliya, investitsiyalar va risklarni boshqarish”, “Biznes va iqtisod”, “Sanoatda menejment”, “Mehmonxona ishi va turizm sohasida menejment”, “Mehmonxona va kurort ishi sohasida menejment”, “Buxgalteriya hisobi va moliya”, “Biznes va moliyaviy menejment”, “Biznes va marketingni boshqarish”, “Biznes va boshqaruv”, “Biznes va korxonani boshqarish”, “Biznes informatika” Magistratura (MBA): “Biznesni boshqarish: moliya”, “Biznesni boshqarish: marketing”, “Biznesni boshqarish: mehmonxona ishi”.
  • Bank-moliya akademiyasida o’qiyotgan magistrantlarning o’qish muddati mobaynida ish joylarida bir oylik o’rtacha ish xaqi saqlanib qolinadimi?


    “O’zbekiston Respublikasi Bank-moliya akademiyasi magistraturasiga qabul qilish tartibi to’g’risidagi” Nizomga asosan Akademiya magistraturasida ta’lim olayotgan magistrantlarning asosiy ish joyi va undagi o’rtacha ish haqi miqdori o’qish muddati mobaynida saqlanadi.
  • Bank-moliya akademiyasiga kirishda GMAT (The Graduate Management Admission Test) bo’yicha sertifikatga ega bo’lgan nomzodlarga qanday imtiyozlar beriladi?


    Bank–moliya akademiyasiga kirishda GMAT bo’yicha kamida umumiy 500 balli amaldagi sertifikatga ega bo’lgan nomzodlar “Mutaxassislik fani” va “Ingliz tili” fanlaridan kirish imtihonlarini topshirishdan ozod etiladilar, va ushbu nomzodlarga “Mutaxassislik fani” hamda “Ingliz tili” fanlari bo’yicha eng yuqori maksimal ball hisoblanadi.
  • Bank–moliya akademiyasiga kirishda nomzod IELTS sertifikatiga ega bo’lsa, ingliz tili bo’yicha imtihon topshiradimi?


    Agar nomzodlar IELTS imtihonini topshirgan va amaldagi IELTS sertifikati bo’yicha kamida 6.0 ballga ega bo’lsa, ular “Ingliz tili” fani bo’yicha kirish imtihonlarini topshirishdan ozod etiladi va ularga to’planishi mumkin bo’lgan maksimal ball qo’yiladi.
  • O’zbekiston Respublikasi Bank-moliya akademiyasi magistraturasiga kirish uchun testlar qancha savoldan iborat?


    Kirish testlari jami 100 ta savoldan iborat. Ulardan: ixtisoslik fanlardan – 50 ta savol,“Demokratik davlat va fuqarolik jamiyatini qurish nazariyasi va amaliyoti asoslari” fanidan – 25 savol hamda “Ingliz tili” fanidan – 25 savol. Barcha fanlar bo’yicha tuzilgan test savollariga 4 ta javob variantlari taqdim etiladi.
  • Bank-moliya akademiyasiga kirish imtihonlari qaysi shaklda o’tkaziladi?


    Kirish imtihonlari test shaklida o’tkaziladi. Test sinovlari O’zbekiston Respublikasi Vazirlar Mahkamasi huzuridagi Davlat test markazi tomonidan o’tkaziladi.
  • Bank-moliya akademiyasiga kirish imtihonlari qanday fanlar bo’yicha o’tkaziladi?


    Bank-moliya akademiyasiga kirishda nomzodlar quyidagi 3 ta fan bo’yicha imtihon topshiradilar:

    A) “Mutaxassislik fani” bo’yicha – (tanlangan mutaxassisligiga qarab 0 balldan 100 ballgacha baholanadi).

    B) “Demokratik davlat va fuqarolik jamiyatini qurish nazariyasi
    va amaliyoti asoslari” fani bo’yicha (0 dan 50 ballgacha baholanadi).

    V) “Ingliz tili” fani bo’yicha (0 dan 50 ballgacha).

    Bank-moliya akademiyasi magistraturasiga kirishda test sinovlari bo’yicha nomzodlar maksimal 200 ball to’plashlari mumkin.
  • Agar Bank-moliya akademiyasiga magistr darajasiga ega bo’lgan nomzod yuqori ball to’plab o’qishga kirgan bo’lsa, u Akademiyada davlat granti asosida o’qish huquqiga ega bo’ladimi?


    O’zbekiston Respublikasi Vazirlar Mahkamasining 2013 yil 16-sentyabrdagi 255-sonli qarori bilan tasdiqlangan O’zbekiston Respublikasi Bank-moliya akademiyasi magistraturasiga qabul qilish tartibi to’grisidagi Nizomning 4-bandiga muvofiq, Akademiya magistraturasida ikkinchi va undan keying oliy ma’lumotni olish to’lov-kontrakt asosida amalga oshiriladi.
  • Bank-moliya akademiyasida o’qish davomiyligi qanday?


    O’zbekiston Respublikasi Vazirlar Mahkamasining 2013 yil 16-sentyabrdagi 255-sonli qarori bilan tasdiqlangan O’zbekiston Respublikasi Bank-moliya akademiyasi magistraturasiga qabul qilish tartibi to’grisidagi Nizomning 3-bandiga ko’ra Akademiya magistraturasida o’qish muddati mutaxassisliklar bo’yicha davlat ta’lim standartlariga muvofiq 2 yilga mo’ljallangan oquv rejalari asosida amalga oshiriladi.
  • Bank-moliya akademiyasi magistraturasiga kirishda qanday hujjatlar talab etiladi?


    - tegishli vazirlik va boshqa tashkilot rahbari tomonidan imzolangan yo’llanma va tavsifnoma;

    - mutaxassisligi ko’rsatilgan holda Akademiya rektori nomiga ariza;

    - oliy ma’lumot to’g'risidagi hujjatning asl nusxasi (yoki diplomdan ko’chirma – O’zbekiston Respublikasi oliy ta’lim muassasalarini davlat granti bo’yicha o’qib tugatganlar uchun) hamda unga ilovaning asli;

    - xodimlarni hisobga olish bo’yicha shaxsiy varaqa;

    - mehnat daftarchasidan ko’chirma (imzolangan va muxr qo’yilgan holda)

    - 086 –U–shakldagi tibbiy ma’lumotnoma;

    - 3.5 x 4.5-hajmdagi 6 dona rangli fotosurat;

    - pasport nusxasi.

    Hujjatlar taqdim etilishi jarayonida nomzodlar pasport va harbiy xizmatga aloqadorlik haqidagi hujjatlarini shaxsan ko’rsatadilar.
  • Bank-moliya akademiyasiga kirishni istagan nomzodlarga qanday talablar qo’yiladi?


    Bank-moliya akademiyasi magistraturasiga kirish uchun taklif etilayotgan nomzodlarga quyidagi talablar qo’yiladi:

    - oliy iqtisodiy ta’lim;

    - oliy o’quv yurtini bitirgandan so’ng bank-moliya sohasidagi 2 yillik ish staji;

    - qabul komissiyasiga hujjat topshirish vaqtida nomzodning lavozimi bosh mutaxassis (bosh iqtisodchi) yoki unga tenglashtirilgan lavozimdan past bo’lmasligi kerak.

    - nomzodlarning yoshi 35 dan oshmagan bo’lishi lozim.
  • O’zbekiston Respublikasi Bank-moliya akademiyasi qaysi mutaxasisliklar bo’yicha magistrlarni tayyorlaydi?


    Bank-moliya akademiyasida quyidagi 10 ta mutaxassisliklar bo’yicha o’qitish amalga oshiriladi:

    “Bank ishi” fakul’tetida:

    - Bank ishi;

    - Bank hisobi va audit;

    “Loyihaviy moliyalashtirish” fakul’tetida:

    - Investitsiyalarni boshqarish (bank sektori uchun);

    - Investitsiyalarni boshqarish (real sektor uchun);

    «Moliya» fakul’tetida:

    - Davlat moliyasini boshqarish;

    - Pensiya ishi;

    - Sug'urta ishi;

    - Korporativ moliya va qimmatli qog'ozlar bozori;

    - Moliyaviy audit;

    «Soliq ishi» fakul’tetida:

    - Soliqlar va soliqqa tortish.

otchet uz.jpg

statistika uz.jpg

So’rov

Bizning saytimiz sizga yoqdimi?

Valyutalar kurslari

USD
AQSh dollari
8068.17 -9.09
EUR
Yevro
9899.64 -60.43
RUB
Rossiya rubli
131.84 +3.83
GBP
Angliya funt sterlingi
11307.54 -206.59
24.04.2018 dan ma’lumotlar


Belgilangan matnni tinglash uchun quyidagi tugmani bosing Powered by GSpeech