Yuksak unvon muborak
O‘zbekiston Respublikasi Prezidenti Shavkat Mirziyoyevning farmonlariga asosan, O‘zbekiston banklari assotsiatsiyasi bosh direktori Xamidov Baxtiyor Sultanovich "O‘zbekiston Respublikasida xizmat ko‘rsatgan iqtisodchi" faxriy unvoni bilan mukofotlandi.
Ushbu yuksak unvonni O‘zbekiston Respublikasi Bosh vaziri Abdulla Aripov topshirdi.
Tadbirda B.Xamidovning mustaqil O‘zbekiston tarixining eng murakkab va sinovli davrlarida davlatchiligimiz asoslarini mustahkamlash, xalq xo‘jaligi tarmoqlari iqtisodiyotini yuksaltirish borasidagi fidokorona xizmatlari xususida so‘z yuritildi.
O‘zbekiston banklari Assotsiatsiyasi jamoasi yana bir bor Baxtiyor Sultanovichni ushbu yuksak mukofot bilan hamda u kishining tavalludining 80 yilligi bilan tabriklaydi.
